ဒီနေ့အတွက်စကား
Love is something as powerful as it is subtle. လူတစ်ယောက်ကို ချစ်နေရင်းနဲ့ ဖြတ်သန်းရတဲ့ နေ့ရက်တွေက ပိုပြီး အဓိပ္ပာယ် ရှိလာတတ်တယ်။ တစ်စုံတစ်ယောက်ကို ချစ်ရင်းနဲ့ ကိုယ်ဟာ ပိုပြီး လိမ္မာလာတာမျိုး၊ ဘ၀ကို ပိုပြီးကြိုးစားချင်လာတာမျိုး၊ ကိုယ့်ကိုယ်ကိုယ် ပိုပြီးကောင်းမွန်တဲ့လူတစ်ယောက် ဖြစ်ချင် လာမျိုးပေါ့။ ချစ်ခြင်းမေတ္တာတွေ စစ်မှန်တဲ့အခါ ဘဝတွေကို ပြောင်းလဲစေနိုင်တဲ့အထိ အင်အားကြီးမားပါတယ်။ချစ်သူ ရည်းစားပဲ ဖြစ်ဖြစ်၊ အိမ်ထောင်တစ်ခုပဲ ဖြစ်ဖြစ် သူစိမ်းနှစ်ယောက် ချစ်ကြိုက်၊ ပေါင်းသင်းကြရတာမိုလို့ ညှိနှိုင်း ယူကြရတာ တွေ အများကြီး ရှိပါတယ်။ လူနှစ်ယောက် ချစ်ကြိုက်ကြတယ် ဆိုတာက ပါးစပ်ကနေ ချစ်တဲ့ အကြောင်းတွေပဲ ထိုင်ပြောလို့ မပြီးပါ ဘူး။ ဘ၀တစ်ခုကို ရည်ရွယ်ပြီး အတည်တကျ တွဲကြတဲ့အခါ ချစ်တယ်ဆိုတဲ့ စကားလုံးထက် ပိုတဲ့ ခေါင်းစဥ်တွေ ပိုလာပါတယ်။
Love is something as powerful as it is subtle.
တစ်ယောက်ကို တစ်ယောက် ချစ်နေရုံနဲ့လဲ မပြီးဘူး။ တစ်ယောက်ကို တစ်ယောက် စာနာ နားလည်ဖို့ လိုအပ်တယ်။ သစ္စာရှိဖို့ လိုအပ်တယ်။ လိုအပ်ချိန်မှာ အကူညီပေးဖို့ လိုအပ်တယ်။ စိတ်အား လူအား နှစ်မျိုးလုံးနဲ့ပေါ့။ စိတ်လုံခြုံမှု ပေးဖို့ လိုအပ်တယ်။ တစ်ယောက်ကို တစ်ယောက် ၀န်ပိစေတဲ့ ဆက်ဆံရေးမျိုး မဟုတ်ဘဲ ကိုယ့်တာ၀န်ကိုယ်ယူပြီး နှစ်ယောက်အတူ ဘ၀တစ်ခုကို တည်ဆောက်နိုင်ရတယ်။ တစ်ယောက်ကို တစ်ယောက် လိုအပ်တာ ဖြည့်ဆည်းပေးကြရတယ်။ အဆင်ပြေနေချိန်မှာ အတူရှိ တယ်ဆိုတာထက် ဘ၀ရဲ့ ခက်ခဲတဲ့ နေ့ရက်တွေမှာလဲ အတူရှိပေးနိုင်ရတယ်။ နောက်ပြီး ချစ်ခြင်းမေတ္တာကို ကောင်းကောင်း မွန်မွန် ဖော်ပြတတ်ဖို့ လိုအပ်ပါတယ်။ ဒါမှလည်း နှစ်ဦးနှစ်ဖက် Healthy ဖြစ်တဲ့relationship တစ်ခုကို ပိုင်ဆိုင်ရမှာပါ။ သာယာ ပျော်ရွှင်တဲ့အချစ်ရေးတစ်ခုမှာ စိတ်ချမ်းချမ်းသာသာနဲ့ ပျော်ရွှင်နိုင်မှာပါ။ ဒါကြောင်မိုလို့ အချစ်ဆိုတဲ့ခေါင်းစဥ်အောက်မှာအလေး အနက် ထားရမယ့် အရာတွေ အများကြီး ရှိတယ်။ ချစ်တယ်ပြောရတာသာလွယ်တာချစ်ခြင်းမေတ္တာတွေကိုပုံဖော်တည်ဆောက် ကြတဲ့ နေရာမှာတော့ စကားလုံးတွေထက် Action က ပိုအရေးကြီးပါတယ်။ ချစ်ခြင်းမေတ္တာတွေကို မြင်အောင် ကြည့်တတ်ဖို့ လိုသလို၊ တန်ဖိုးထားတတ်ဖို့က အဓိကပဲ။ ကိုယ်ပိုင်ဆိုင်ထားရတဲ့ ကိုယ့်ရဲ့ ချစ်သူ၊ အိမ်ထောင်ဘက်ရဲ့ တန်ဖိုးကို တန်ဖိုးထားရ သလို၊ ကိုယ့်ကိုယ်ကိုယ်လည်းသူတို့အတွက် ကောင်းအောင် ကြိုးစားပေးနေရတယ်။ ဒါကြောင့် ကိုယ့်ရဲ့ ဘ၀မှာ ကောင်းမွန်တဲ့ ချစ်သူကောင်း၊ အိမ်ထောင်ဘက်ကောင်းတွေ ပိုင်ဆိုင်ထားရ တယ်ဆိုရင် တန်ဖိုးထားပါ။ ကြင်ကြင်နာနာ ဆက်ဆံပါ။ တစ်ယောက် ကို တစ်ယောက် နားလည်သည်းခံပါ။ အခြားစုံတွဲတွေနဲ့ နှိုင်းယှဥ်တာမျိုး မလုပ်ဘဲ ကိုယ့်ရဲ့ relationshipကို ကိုယ့်နည်းကိုယ်ဟန်နဲ့ ကိုယ့်အတိုင်းအတာနဲ့ကိုယ် အဆင်ပြေပြေ တည်ဆောက်ပါ။ အနားမှာ ရှိတုန်း တန်ဖိုးထားပါ။ ချစ်ရသူတွေကိုအချိန်ပေးပါ။ ချစ်ခြင်း မေတ္တာကို ဖော်ထုတ်ပြသပါ။ ချစ်ခြင်း မေတ္တာနဲ့ ထိတွေ့ခွင့် ရတယ် ဆိုတာကိုက ကံကောင်းခြင်း တစ်မျိုး ဖြစ်ပါတယ်။ ကိုယ်ချစ် ရတဲ့သူနဲ့ အတူရှိခွင့်ရခြင်း၊ ထပ်တူညီ တဲ့ ချစ်ခြင်းတွေကို ပိုင်ဆိုင်ရခြင်းကတော့ ဘ၀မှာ အစားထိုးလို့ မရတဲ့ ကံကောင်းခြင်းပါ။ ချစ်ခြင်းမေတ္တာဆိုတာ သိမ်မွေ့သလောက် အင်အားကြီးမားတဲ့ အရာတစ်ခုပါပဲ။
ဒီနေ့အတွက်စကား
Love is something as powerful as it is subtle.
