ဗြိတိန်တွင် ရထားလက်မှတ်အစား မျက်နှာပြင်ကို မှတ်သားသည့်စနစ် ကျင့်သုံးမည်

Published: Aug 13


ဗြိတိန်တွင် ရထားစီးရန် တန်းစီပြီး လက်မှတ်ပြရာမှ ရထား လွတ်သွားရသော အဖြစ်မျိုးကို မကြုံတွေ့စေရန်အတွက် ဖြတ်သန်းဂိတ်များတွင် မျက်နှာပြင်ကို မှတ်သားထားသည့်စနစ်အား လက်မှတ်များအစား အသုံးပြုသွားရန် စီစဉ်လျက်ရှိကြောင်း သိရပါတယ်။ မျက်နှာပြင် မှတ်သားသည့်စနစ်ကို ဂိတ်ပေါက်များတွင် လျှို့ဝှက်ထားသော ကင်မရာများဖြင့် ဆောင်ရွက်သွားမည်ဖြစ်ပြီး 3D ပုံရိပ်များကို ဖမ်းနိုင်သည့် ကင်မရာက ပုံရိပ်ကို ချက်ချင်း အသိအမှတ်ပြုမှ ဂိတ်ထဲဝင်၍ ရစေရန် စီစဉ်ထားမည်ဖြစ်သည်။ မျက်နှာပြင်ကိုပြပြီး ရထားစီးနိုင်ရန်အတွက် ရထားစီးမည့်သူများသည် မိမိတို့မျက်နှာပြင်ကို ရှေးဦးစွာ မှတ်ပုံတင်ထားရန်လိုပြီး မျက်နှာပြင်ပေါ်မှ အရေးအကြောင်းများ၊ မျက်မှန် တပ်ထားသူများနှင့် ထူးခြားသည့် မျက်နှာ၏ ကောက်ကြောင်း အားလုံးကို မှတ်တမ်း ယူထားမည်ဖြစ်သည်။ ရထားဘူတာ ပလက်ဖောင်းကို ဝင်လိုက်သည်နှင့် မှတ်ပုံတင်ထားသည့် မျက်နှာကို ချက်ချင်း တိုက်ဆိုင်စစ်ဆေးလိုက်ပြီး နောက်၊ ဖြည့်သွင်းထားသည့် ဒေတာများကို မျက်နှာနှင့် တိုက်ဆိုင်ပြီးမှ ရထားစီးခွင့်ပြုသည့် ဧရိယာထဲကို ဝင်ရောက်ခွင့်ရမည်ဖြစ်သည်။ ခရီးသည်များအနေနှင့် မိမိတို့ ငွေစာရင်းကို အွန်လိုင်းကတစ်ဆင့် ဖြည့်သွင်းပေးရန်သာ လိုပြီး မျက်နှာမှတ်ပုံတင်ထားသူများ၏ ငွေစာရင်းနှင့် မျက်နှာပြင်ကို ဘူတာရှိစက်များက တိုက်ဆိုင်ပြီး လက်မှတ်ဝယ်ရန်မလို ရထားစီးခွင့်များကို လွယ်ကူစွာ လုပ်ဆောင်နိုင်တော့မည်ဖြစ်သည်။

 

The Voice