၅၀၀ တန်အောင်ဘာလေထီ ဆုမဲများတိုးမြှင့်ချီးမြှင့်ရန်ဆောင်ရွက်လျက်ရှိ

Published: May 19


ကျပ် ၅ဝဝ တန် အောင်ဘာလေ ထီဆုမဲများကို တိုးမြှင့်ချီးမြှင့်ပေးရန် ဆောင်ရွက်နေကြောင်း စီမံကိန်းနှင့် ဘဏ္ဍာရေး ဝန်ကြီးဌာန ပြည်တွင်းအခွန်များ ဦးစီးဌာန အောင်ဘာလေ သိန်းဆုဌာနခွဲမှ သိရသည်။ လက်ရှိတွင် ကျပ် ၅ဝဝ တန် အောင်ဘာလေထီဆုမဲများကို အမြင့်ဆုံးဆု ကျပ်သိန်းတစ်သောင်း အပါအဝင် ထီလက်မှတ် ရောင်းချခဲ့သည့် အပေါ်မူတည်၍ ထီလက်မှတ်စာအုပ် .ရောင်းရငွေပေါင်းမှ ၆ဝ ရာခိုင်နှုန်းကို ထီဆုငွေအဖြစ် ခွဲဝေပေးရာ ဆုမဲပေါင်း တစ်သိန်းဝန်းကျင်ခန့် ပေးအပ်လျက်ရှိကြောင်း သိရသည်။ ယင်းသို့ ဆုမဲများခွဲဝေ .ပေးအပ်လျက် ရှိရာတွင် အမြင့်ဆုံးဆု ကျပ်သိန်းတစ်သောင်းဆု အပြင် ကျပ်သိန်း ငါးထောင်ဆု နှစ်ဆုခန့်၊ ကျပ်သိန်း သုံးထောင်ဆု သုံးဆုခန့်၊ ကျပ်သိန်း တစ်ထောင်ဆုတို့အပြင် ဆုမဲများကို ဝေဝေဆာဆာတိုးမြှင့်ပေးအပ်သွားရန် စီစဉ်လျက်ရှိသည်ဟု အောင်ဘာလေ သိန်းဆုဌာနခွဲမှ ညွှန်ကြားရေးမှူး ဦးထွန်းထွန်းအောင်က ပြောသည်။  ပြီးခဲ့သည့် ဧပြီ ၁ ရက်တွင် ပထမဆုံးအကြိမ် စတင်ဖွင့်လှစ်ခဲ့သည့် (၁) ကြိမ်မြောက် ကျပ် ၅ဝဝ တန် ထီဖွင့်ပွဲတွင် အထူးဆုကြီးများ အပါအဝင် ဆုမဲပေါင်း တစ်သိန်းကျော်အထိ ခွဲဝေချီးမြှင့်နိုင်ခဲ့ပြီး မေ ၁ ရက်က ဖွင့်လှစ်ခဲ့သည့် (၂)ကြိမ်မြောက်တွင် ထီရောင်းရသည့်ငွေအပေါ် ထီဆုငွေများ ပြန်လည်ခွဲဝေပေးရာတွင် ဆုမဲပေါင်း ၉ဝဝဝဝ ကျော် ချီးမြှင့်ခဲ့သည်။ လာမည့် ဇွန် ၁ ရက်တွင် ဖွင့်လှစ်မည့် (၃)ကြိမ်မြောက် ကျပ် ၅ဝဝ တန် အောင်ဘာလေ ထီဖွင့်ပွဲတွင် ရောင်းချရသည့် ထီလက်မှတ်များနှင့် ရောင်းရငွေများကို မကြာမီထုတ်ပြန် .ကြေညာပေးမည် .ဖြစ်ကြောင်း ပြန်ကြားရေး ဝန်ကြီးဌာန၏ သတင်းထုတ်ပြန်ချက်အရ သိရသည်။ ယင်းအပြင် ဆက်လက်၍ ဇူလိုင် ၁ ရက်တွင် ဖွင့်လှစ်မည့် (၄)ကြိမ်မြောက် ကျပ် ၅ဝဝ တန် အောင်ဘာလေ ထီဖွင့်ပွဲတွင် အက္ခရာအလုံးရေ တိုးမြှင့်ရောင်းချခြင်းနှင့်အတူ ထီဆုမဲများကို တိုးမြှင့်ချီးမြှင့်ပေးသွားရန် စီစဉ်လျက်ရှိကြောင်း သိရသည်။

(Xinhua)