မြန်မာနိုင်ငံမှ ဆော်ဒီအာရေးဘီးယားနိုင်ငံသို့ ရေထွက်ပစ္စည်းတင်ပို့ခြင်းကို မတ်လ (၃၁)ရက်မှစ၍ ယာယီပိတ်မည်

Published: Feb 14


ဆော်ဒီအာရေးဘီးယားနိုင်ငံက ရေထွက်ပစ္စည်းတင်သွင်းမှု ယာယီပိတ်ပင်တဲ့ လေးနိုင်ငံမှာ မြန်မာနိုင်ငံပါဝင် နေတာကြောင့် မြန်မာနိုင်ငံကနေ ဆော်ဒီအာရေးဘီးယားနိုင်ငံကို ရေထွက်ပစ္စည်းတင်ပို့တာကို ၂၀၁၈ ခုနှစ် မတ်လ (၃၁)ရက် ကနေ ယာယီပိတ်ပင်သွားမယ်လို့ သိရပါတယ်။ မြန်မာအပါအ၀င် ဗီယက်နမ်၊ ဘင်္ဂလားဒေ့ရှ်၊ အိန္ဒိယစတဲ့ နိုင်ငံတွေက တင်ပို့မှုကို ယာယီပိတ်ပင်ထားတာဖြစ်ပြီး ပိတ်ပင်ထားတဲ့အချိန်မှာ စစ်ဆေးမှုတွေ ပြုလုပ်သွားမှာဖြစ်တယ်လို့ သိရပါတယ်။ ရေထွက်ပစ္စည်းတင်ပို့မှု ယာယီပိတ်ပင်မှုနဲ့ပတ်သက်လို့ မြန်မာသံရုံး (ဆော်ဒီအာရေးဘီးယားနိုင်ငံ)ကို ဆော်ဒီနိုင်ငံက သက်ဆိုင်ရာအာဏာပိုင်တွေနဲ့ ဆွေးနွေးဖြေရှင်းပေးဖို့ တင်ပြထားပြီး စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန ငါးလုပ်ငန်းဦးစီးဌာန၊ စီးပွားရေးနဲ့ ကူးသန်းရောင်းဝယ်ရေး ဝန်ကြီးဌာန မြန်မာ့ကုန်သွယ်မှုမြင့်တင်ရေးအဖွဲတွေကိုလည်း တင်ပြထားတယ်လို့ သိရပါတယ်။

မြစ်မခ