အခြေခံပညာကျောင်းသားများ စာမေးပွဲကာလ ပြည်မြို့နယ်တွင်း အသံချဲ့စက်ဖွင့်လှစ်ခွင့် ယာယီရပ် ဆိုင်းထား

Published: Feb 13


ပဲခူးတိုင်းဒေသကြီး ပြည်မြို့ပေါ်ရပ်ကွက်နဲ့ ကျေးရွာတွေမှာ အခြေခံပညာကျောင်းများတွင် စစ်ဆေးနေသည့် အတန်းတင် စာမေးပွဲ ကာလအတွင်း အသံချဲ့စက်ဖွင့်တာကို ယာယီရပ်ဆိုင်းထားတယ်လို့ ပြည်မြို့နယ် အထွေထွေအုပ်ချုပ်ရေးဦးစီးဌာန ကနေ သိရပါတယ်။ ၂၀၁၇-၂၀၁၈ ပညာသင်နှစ်အတွက် အခြေခံပညာ အထက်တန်း၊ အလယ်တန်းနဲ့ မူလတန်းကျောင်း တွေမှာ စာမေးပွဲတွေကျင်းပပြုလုပ်နေတာကြောင့် ကျောင်းသား၊ ကျောင်းသူတွေ စာကျက်ချိန်နဲ့ စာမေးပွဲဖြေချိန်တွေမှာ အနှောက်အယှက်မဖြစ်စေဖို့ စာမေးပွဲတွေပြီးဆုံးချိန်အထိ အသံချဲ့စက်ဖွင့်တာကို ယာယီတားမြစ်ထားတယ်လို့ သိရပါတယ်။ အဲဒီ အကြောင်းကြားစာတွေကို ပြည်မြို့နယ်တွင်း ရပ်ကွက်တွေနဲ့ ကျေးရွာအုပ်စုတွေအထိ ကျယ်ကျယ်ပြန့်ပြန့် ဖြန့်ဝေ ထားပြီး အချို့ရပ်ကွက်နဲ့ ကျေးရွာတွေမှာ လှည့်လှည်ပြီး အသံချဲ့စက် မဖွင့်ကြဖို့ ကြေငြာမှုတွေ ပြုလုပ် ထားတယ်လို့ သိရပါတယ်။ ၂၀၁၇-၂၀၁၈ ပညာသင်နှစ်အတွက် အခြေခံပညာကျောင်းတွေမှာ မူလတန်း၊ အလယ်တန်း၊ နဝမတန်းတွေ စာမေးပွဲ ဖြေဆိုနေပြီးတော့ ဖေဖော်ဝါရီတတိယပတ်မှာပြီးစီးမယ်လို့ သိရပါတယ်။