အမေရိကန်သို့ အလည်အပတ် သွားရောက်သည့် တူရကီနိုင်ငံသားများအတွက် ခရီးသွားလာမှုဆိုင်ရာ သတိပေးချက် တူရကီထုတ်ပြန်

Published: Jan 13


တူရကီန်ိုင်ငံခြားရေး ဝန်ကြီးဌာနသည် အမေရိကန်သို့ သွားရောက်ကြသည့် တူရကီနိုင်ငံသားများအား ခရီးသွားလာမှုဆိုင်ရာ အကြံပြုချက်ထုတ်ပြန်ခဲ့ကြောင်း သိရသည်။ ယင်းအကြံပြုချက်တွင် အကြမ်းဖက်လုပ်ရပ်များ ပိုမိုတိုးပွားလာနေမှုနှင့် တူရကီနိုင်ငံ သားများအား ထင်သလိုဖမ်းဆီးနေမှုတို့ကို ထည့်သွင်းစဉ်းစားကြရန် တိုက်တွန်းထားကြောင်း သိရသည်။အမေရိကန်ပြည်ထောင်စုတွင် မကြာသေးမီအချိန်က အကြမ်းဖက် တိုက်ခိုက်မှုများနှင့် ရာဇဝတ်မှုဆိုင်ရာ ဖြစ်ရပ်များ တိုးပွား လာသည်ကို အထင်အရှား တွေ့မြင်နေရကြောင်း ဝန်ကြီးဌာနက ပုံနှိပ်ဖော်ပြခဲ့သည့် သတိပေးချက်တွင် ပါရှိ်သည်။သတိပေးချက်တွင် တူရကီနိုင်ငံသားများအား စိတ်ရှိသလိုဖမ်းဆီးနိုင်သည့် အ္တရာယ်ကို ထောက်ပြခဲ့သည်။အမေရိကန် ပြည်ထောင်စုက ၄င်း၏နိုင်ငံသားများအား ပြီးခဲ့သည့် ကြာသပတေးနေ့က ခရီးသွားလာမှုဆိုင်ရာ အလားတူသတိပေးချက် ထုတ်ပြန်ခဲ့ပြီး နောက်တွင် တူရကီ၏ ခရီးသွားလာမှု သတိပေးချက် ပေါ်ထွက်လာကြောင်း သိရသည်။

 ဆင်ဟွာ