ရန်ကုန်လိုင်စင် တက္ကစီများ ဒီဇင်ဘာလကုန် နောက်ဆုံးထား၍ စီးတီးတက္ကစီ မှတ်ပုံတင်ရမည်

Published: Nov 15


ရန်ကုန်လိုင်စင်ထုတ် ပေးထားသည့် တက္ကစီများ ဒီဇင်ဘာလကုန် နောက်ဆုံးထား၍ စီးတီးတက္ကစီ မှတ်ပုံတင်ရမည် ဖြစ်ကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ အတွင်းရေးမှူး ဒေါက်တာမောင်အောင်က ပြောသည်။ ထိုသို့ ရန်ကုန်လိုင်စင်များ စီးတီးတက္ကစီအဖြစ် ပြောင်းလဲပြီးပါက နယ်လိုင်စင်တက္ကစီများ ရန်ကုန်မြို့တွင်း ပြေးဆွဲနေမှုများကို စိစစ်အရေးယူမည်ဟု  ၎င်းက ဆက်လက်ပြောသည်။ လက်ရှိတွင် ရန်ကုန်မြို့၌ စီးတီးတက္ကစီ အစီးရေ ခြောက်သောင်း ကျော်ရှိကြောင်း ကညနလုပ်ငန်း လိုင်စင်ရုံးက ထုတ်ပြန်သည်။  ရန်ကုန်မြို့ ယာဉ်ကြော ကျပ်တည်းမှုကို ဖြေလျှော့ရေးရန် ကုန်တိုင်းဒေသကြီး အစိုးရအဖွဲ့ က တက္ကစီများကို ထိန်းချုပ်ရန် စီစဉ်ခြင်းဖြစ်သည်။‘‘နယ်တက္ကစီတွေက ပြေးဆွဲ ခွင့်မရှိတာ။ သူတို့ တိုင်းထဲမှာ အတွက်ပဲ ထုတ်ပေးထားတာ။ သူတို့ ရန်ကုန်မှာ လာပြေးဆွဲနေတာ ဥပဒေနဲ့ မညီဘူး။ ရန်ကုန်မှာ တက္ကစီများလွန်းနေတော့ တက္ကစီသမားတွေ ဒုက္ခရောက်နေတယ်’’ ဟု Hello Cab တက္ကစီကုမ္ပဏီ မန်နေဂျင်း ဒါရိုက်တာ ဦးအောင်ဝင်းက ပြောသည်။ ထိုသို့ လုပ်ဆောင်ခြင်းသည် ဥပဒေအရ ကြီးကြပ်ခြင်းဖြစ်ပြီး ရန်ကုန်လိုင်စင် တက္ကစီသမားများ အတွက် အသက်ရှူချောင်စေမည် ဟု ၎င်းကဆိုသည်။ ရန်ကုန်မြို့တော် စည်ပင်သာယာ နယ်နိမိတ်အတွင်း နယ်နံပါတ်ကားများနှင့် ညအိပ်ခွန် မဆောင်ထားသည့်ကားများ ည အိပ်ခွင့် မရှိကြောင်းနှင့် ညအိပ်ခွန် ပေးဆောင်ထားခြင်း မရှိသည့် ယာဉ်များကို အရေးယူမည်ဟု ရန် ကုန်မြို့တော် စည်ပင်သာယာရေး ကော်မတီက ကြေညာသည်။

7day