မန္တလေးမြို့တွင် တည်ဆောက်ထားသည့် မိုးလေဝသရေဒါစခန်း နှစ်ကုန်ပိုင်းတွင် ဖွင့်လှစ်မည်

Published: Nov 14


မန္တလေးတိုင်းဒေသကြီး တံတားဦးအပြည်ပြည်ဆိုင်ရာလေဆိပ်အနီး၌ တည်ဆောက်နေသည့် မိုးလေဝသ ရေဒါစခန်း တည်ဆောက်ခြင်းလုပ်ငန်း ပြီးစီးသွားပြီဖြစ်၍ ယခုနှစ်ကုန်တွင် ဖွင့်လှစ်သွားမည်ဖြစ်ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာန(အထက်မြန်မာပြည်ဌာနခွဲ)မှ ဦးကျော်လွင်ဦးက ပြောသည်။ အဆိုပါ ရေဒါစခန်းတည်ဆောက်ရာတွင် ဂျပန်အပြည်ပြည်ဆိုင်ရာ အေဂျင်စီ၏ ထောက်ပံ့ကူညီမှုဖြင့် ၂ဝ၁၅ ခုနှစ် ဒီဇင်ဘာက စတင်ခဲ့၍ ယခုအခါလုပ်ငန်းများ ပြီးစီး သွားပြီဖြစ်ရာ နိုဝင်ဘာ ၁ ရက်နေ့မှစ၍ ဌာနမှအင်ဂျင်နီယာများကို ရေဒါကိရိယာနှင့် ပတ်သက်သည့် ပြုပြင်ထိန်းသိမ်းရေးနှင့် ကိုင်တွယ်သုံးစွဲခြင်းဆိုင်ရာတို့ကို သင်ကြားပေးနေကြောင်း သိရသည်။“ရေဒါကိရိယာကို အသုံးပြုနိုင်ပြီဆိုရင် မြန်မာနိုင်ငံ အထက်ပိုင်းမှာ စစ်ကိုင်းတိုင်း ၊ ချင်းပြည်နယ်နဲ့ ပဲခူးတိုင်းထိ ရေဒါပုံရိပ်တွေဖမ်းမိနိုင်တယ်၊ အဲဒီ ပုံရိပ်တွေနဲ့ အထက်အညာ ဒေသမှာ ဖြစ်ပေါ်နိုင်တဲ့ မုန်တိုင်းတွေ၊ မိုးတိမ်တောင်တွေနဲ့ မိုးရွာသွန်းမှုအခြေအနေတွေကို ထုတ်ပြန်ပေးနိုင်တော့မှာ ဖြစ်ပါတယ်''ဟု ဦးကျောင်လွင်ဦးက ပြောသည်။ ယခုအခါ မြန်မာနိုင်ငံအတွင်းရှိ ရန်ကုန်၊ ကျောက်ဖြူနှင့် မန္တလေးမြို့များတွင် ရေဒါ သုံးလုံးတပ်ဆင်ရန် ၂ဝ၁၄ ခုနှစ်မှစ၍ စီစဉ်ဆောင်ရွက်ခဲ့ရာ လက်ရှိတွင် ကျောက်ဖြူ ရေဒါစခန်းကို ၂ဝ၁၅ ခုနှစ်တွင် လည်းကောင်း၊ ရန်ကုန်မြို့တွင် ၂ဝ၁၆ ခုနှစ်တွင် လည်းကောင်း ဖွင့်လှစ်နိုင်ခဲ့ပြီး ရေဒါပုံရိပ်များဖြင့် မိုးလေဝသခန့်မှန်းချက် များ ထုတ်ပြန်လျက်ရှိကြောင်း သိရသည်။

(Myanmaalinn)