မုံရွာအားကစား ကွင်းကြီးအတွင်း ပြေးခုန်ပစ်နှင့် ဘောလုံးပြိုင်ပွဲများ စက်တင်ဘာလတွင် စတင်ယှဉ်ပြိုင်ကစားကြမည်

Published: Aug 12


အဆင့်မြှင့်တင်မှု ပြီးစီးတော့မည်ဖြစ်သည့် မုံရွာပြည်သူ့ အားကစားကွင်း အတွင်း အဆင့်မြင့်ပြေးလမ်းနှင့် အဆင့်မြင့် ဘောလုံးကွင်း တို့တွင် အသက် (၁၈) နှစ်အောက်ပြေး ခုန်ပစ်ပြိုင်ပွဲကို စက်တင်ဘာလတွင် လည်းကောင်း၊ အသက် (၂၂) နှစ်အောက် အမျိုးသား ဘောလုံးပြိုင်ပွဲကို နိုဝင်ဘာလတွင် လည်းကောင်း ကျင်းပရန် စီစဉ်ထားကြောင်း စစ်ကိုင်းတိုင်း ဒေသကြီး အားကစားနှင့် ကာယပညာ ဦးစီးဌာန ညွှန်ကြားရေးမှူး ဦးအောင်နိုင်ဆွေထံမှ သိရသည်။ ဘောလုံးကွင်း အဆင့်မြှင့်တင်ရာ တွင် ရေစိမ့်မြောင်း ၂၁ မြောင်းတူးခြင်းနှင့်အတူ မြေဖို့လုပ်ငန်း၊ နိုင်ငံခြား မြက်ပြန်စိုက်ကာ မွေးမြူခြင်း လုပ်ငန်းများကို ဆောင် ရွက်ထားပြီးဖြစ်သလို ပြေးလမ်း ရှစ်လမ်းပါသည့်အဆင့်မြင့် ပြေးလမ်းကိုလည်း ဖော်ဆောင်ထားပြီး ဖြစ်သည်။ မုံရွာပြည်သူ့ အားကစားရုံအတွင်း ယခင်ကတည်းက ရှိသည့် မိုးလုံလေလုံ အားကစားရုံကြီးကို ပြုပြင်ထားခြင်း နှင့်အတူ မြန်မာ့သိုင်း အားကစားရုံ၊ ခြင်းခတ်အားကစားရုံ နှစ်ကွင်းတွဲ တင်းနစ်ကွင်း များကိုလည်း ပြုပြင်ထားပြီး ပြီးခဲ့သည့် ၂ဝ၁၄ - ၂ဝ၁၅ ဘဏ္ဍာရေးနှစ်က အလေးမ အားကစားရုံ၊ ကာယဗလနှင့် ကာယအလှ လေ့ကျင့်ခန်း အားကစားရုံနှင့် ဖူဆယ်အားကစားရုံ အသစ်များကို တည်ဆောက် အားဖြည့်ကာ နေ့စဉ် အားကစားလေ့ကျင့် ခန်းများကို အားကစားသမားများနှင့် ဝါသနာရှင်များ လေ့ကျင့်လျက် ရှိနေကြောင်း သိရသည်။

မျိုးဝင်းထွန်း(မုံရွာ)