ဒုက္ခသည်များ ပြန်လည်လက်ခံရေး ဂျပန်က မြန်မာအစိုးရကို ကန်ဒေါ်လာသုံးသန်း ထပ်မံကူညီမည်

Published: Jan 13


ဂျပန်အစိုးရသည် ဘင်္ဂလားဒေ့ရ်ှသို့ ထွက်ပြေးခဲ့သော ဒုက္ခသည်များ ပြန်လည်လက်ခံရေး မြန်မာအစိုးရကို အရေးပေါ် အကူအညီ ကန်ဒေါ်လာ သုံးသန်း (ဂျပန်ယန်း သန်း ၃၃၀) ကို ပေးအပ်ရန် ဆုံးဖြတ်ကြောင်း နိုင်ငံတော်   အတိုင်ပင်ခံ ပုဂ္ဂိုလ်ရုံးက ယမန်နေ့က  သတင်းထုတ်ပြန်သည်။ နိုင်ငံတော်၏ အတိုင်ပင်ခံပုဂ္ဂိုလ်  နိုင်ငံခြားရေးဝန်ကြီး ဒေါ်အောင်ဆန်းစုကြည်နှင့် ဂျပန် နိုင်ငံခြားရေးဝန်ကြီး မစ္စတာတာရိုကိုနိုတို့ နေပြည်တော်တွင် တွေ့ဆုံစဉ် ယင်းသို့ကူညီရန် သဘောတူခဲ့သည်။ ဒေါ်အောင်ဆန်းစုကြည်က ဂျပန်နှင့် မြန်မာနိုင်ငံ ဆက်ဆံရေးသည် အစဉ်နွေးထွေးပြီး မြန်မာနိုင်ငံလိုအပ်ချိန်တွင် ဂျပန်နိုင်ငံက အကူအညီများ  အမြဲပေးလေ့ရှိကြောင်းနှင့် ယခုကဲ့သို့ စေတနာရှိ သည့်အပေါ် ကျေးဇူးတင်ကြောင်း တုံ့ပြန်ပြောကြားသည်။ ထို့အပြင် ဂျပန်နိုင်ငံသည် ဒေါ်အောင်ဆန်းစုကြည် ခေါင်းဆောင်သည့် မြန်မာ့ပြုပြင်ပြောင်းလဲရေး လုပ်ငန်းစဉ်နှင့် ရခိုင်ပြည်နယ်အရေးတို့တွင် တတ်နိုင်သမျှ ကူညီပံ့ပိုးပေးရန် ဆန္ဒရှိကြောင်း ဂျပန်နိုင်ငံခြားရေးဝန်ကြီး မစ္စတာ တာရိုကိုနိုက ပြောကြားသည်။အဆိုပါ အရေးပေါ်ကူညီမှု သည် ရခိုင်ပြည်နယ်မြောက်ပိုင်း ရှိ ရွှေ့ပြောင်းဒုက္ခသည်များ ပြန်လည်လက်ခံရေး စခန်းများတွင် လျှပ်စစ်မီး၊ ရေသန့်၊ လောင်စနှင့် ပလတ်စတစ်ဘူးများ အပါအဝင် ပြန်လည် တည်ဆောက်ရေး လူသားချင်းစာနာ ကူညီ ထောက်ပံ့မှုပစ္စည်းများ   ပေးအပ်ရန် ဖြစ်သည်။ 

7day